قصائد اهل البيت

قال الحسين قال الحســـــين في يوم عاشـــــــــــــورا

إن لم يكن ديــــــنٌ لــــــــكم فكونـــــــوا أحــــــــــرارا

* * *

موقف حســــــــين ابكــربله توج معاني الحكـــــــــمه

يحمل مفاهـــــــيم وقــــــــيم صارت نهج للأمــــــــــه

بصوت الشرع صاح وهتف واصبح يخاطب خصـــمه

تحذير وجــــــه للخــــــــصم دهور يزيد وظلــــــــــمه

للثائـــرين للثــــــــائريــــــن قــــــد خــــــــــــطَّ أدوارا

وصــــــــوته مــــــن الوتين وضَّح الأســـــــــــــــرارا

* * *

توسط المـــــيدان ووگـــــف والجيش چـــــان اينظره

وابتده ايوجـــه خطبــــــــته للناس يعلن أمـــــــــــــره

يا ناس احفـــــــظوا حرمتي هالنسب يا هو اينـــــكره

جدي الرســــــــول ووالـدي حيدر وامي الزهـــــــــره

بالأنـــين وبــــــــالأنــــــــين كـــــــلَّم الفــــــــــــــــجار

قالــــــــوا عــرفناك الحسين يــــــــا رمــــــزاً وشعارا

* * *

گالوله نعــــــــرف حرمـــتك من تحچي نعرف گصدك

امك الزهره فاطــــــــــــــمه ونعرف محـــــــــمّد جدك

لاچن بهاي المعــــــــــــركه اتعمدنه نوگـــــــف ضدك

ثارات عدنه مــــــــن بــــدر نريد الطـــــلب من عندك

في كلِّ حين في كلِّ حــــــين لا نـــــــترك الــــــــــثارا

واليوم في حربٍ مكـــــــــين ننزل الأخطــــــــــــــــارا

* * *

وحسين راد ابخطبـــــــــــته يبذل جهد ويــــــــــــــاها

وجه نصايـــــــح للعــــــــده ابچلمة عدل حــــــــاچاها

ينسفك دمــــــــي ابـــيا ذنب شوفوا النـــفس ترضاها

يا ذنب من عـــنده بــــــــده يا زلــــــــه زليــــــــــناها

جيش لعين جــــــــيش لعين في حقــــــــده ســــــــارا

وجاء في حـــــقدٍ دفــــــــين ليلــــــــهب النــــــــــــارا

* * *

من بعد مــا أده الوعــــــــظ وبلغ الحجه اويـــــــــاهم

شاهد اعــــــــداه امصــممه حيث الجهل أغــــــــواهم

رد للخيم ســــبط النــــــــبي لهل الشــــيم نــــــــاداهم

صاح اعله گــــومه واخوته واعله الصـــــبر وصاهم

للناكــــــــــثين للناكــــــــثين وجَّــــــــــه الانـــــــــذارا

وجــــــــاء فـــي قلبٍ حزنى حفِّــــــــز الأنصــــــــــارا

* * *

دارت صفوف الملحــــــــمه وحسين صف اجنـــــوده

أنصاره والاخوه افتــــــــدوا كلمن حسب مجهــــــوده

ظل وحده بالطف منـــــــفرد للتضحيه الموعــــــــوده

قاوم الجـــــيش ابهمــــــــته وعزمه وثباتــــه وزوده

سبط الأمــــــين سبط الأمين قارع الأشــــــــــــــــرارا

حتى مضــــــــى وباليقــــين مــــــــزَّق الأســـــــــتارا

* * *

محتار واگـــــف بالحـــــرب يا حاله إلها ايـــــــمارس

من گومه ما واحد بگــــــــه لا راجل او لا فـــــــارس

ينظر حبيب اعله الثــــــــره ويمه زهير وعــــــــابس

لو راح يدري للحــــــــــــرم ما يظل واحد حــــــارس

دهر ضنين دهر ضنــــــــين غيَّــــــــــب الأقمــــــــارا

هذا خـــــــتام الموقــــــــنين تنفــــــــق الأعـــــــــمارا

* * *






الحـــرب فــــــرصه ومـــــا نـخليها تفوت

ومـــــا نـــــعوفك لــــو الــف موته نموت

إحــــــنه انـــــصــــار العـــــــقـــــــيــده وللمجـــــــــد نــــــــضمـــن رصيـــده

ومـــــا نـــعوفك لو الف موته نموت

* * *

يــا حســين انت الضمير الحطت بالمحور الاوسع

وهذا صـــوت التــــضحيات اليدوي بالعالم الارفع

نضــــحّي للــــدين ابـــدمانه وگبلك انقبّل المصرع

منــــهجك بـــــينه مـــنغرس ومنّـــــك تـــــعلّمنه الـدرس

للمــــــبدأ نضــــــحّي النفس وللـــــظــلم هــيهات نخضع

بالتـــصدّي وبالصمود وبالكفاح

نشتـــري المعتقَد ونبيع الارواح

ولفـــتــــح مـــــكه نـــــــعـيده وللمــــــجد نـضمن رصيده

وما نعوفك لو الف موته نموت

* * *

لا تـــنازل لا خنــــوع ولا تــــهاون بالمسيره

وفـــلسفة ثــورتنه تظهر من نتايجها الاخيره

واليــــــعز هـــاليوم دمّــــه باچر يأنبه ضميره

وفــــكرة الشخص الواقـعي كــــل ثــــوره تحتاج لوعي

القــــائد الــــحر اللّـــــوذعي هـــــوّه ليـــــقرّر مصيــــره

هاذي ثوره اتفجّرت ضد الطغاة

وشـــرّعت للبشر قدسية الحياة

نــــوضّــــح الفـكره السديده والمــــجد نــــضمن رصيده

وما نعوفك لو الف موته نموت

* * *

يـا حسين انصارك احنه وموقف الثوره تحتّم

گبــلك انخوض المنايه ونكتب الاعراف بالدم

واليـــريد أيـــعيش خالد لو رخص دمّه ميهتم

بــــــالحومـــــه گبـــــــلك نـــــــنذبــــح والجـــــــرح لمــــــــن يـــــنــــفــــــتح

نــــــــترفّــــــــــع انــــــــسمّيه جــــرح اســـــــمه ثـــــــــغر الحــــگ تــــبسّم

جـــروحنه شفايف وضحكت للخلود

والدمـــــــه اليـــــنهدر ميثاق وعهود

يــــــوعّي هالنـــــــاس الــــــبــــــليـده وللمجـــــد نــــــــضــــمن رصيــــــده

ومـــــــا نـعوفك لو الف موته نموت

* * *

يــــا حســـــين انت الكيان البيك هالعالم تحرر

كيمياء البشــــر انــــت ومعدنك بالثوره يظهر

والفلزّات اجمعتها وعنصرك عنصر الجوهر

مــــعدن كــــرامات وشرف أيــــميّز الــــدر من الصدف

وعســـكر ابن زياد انكشف انــــــذلّله اشـــــما راد يحذر

احـــنه انــــــصارك ومنــبايع يزيد

نضحّي بالدم وابد ميموت الشهيد

وللكــــــفر منــــــصافح أيـده وللمــــــجد نـضمن رصيده

ومــا نعوفك لو الف موته نموت

* * *

انفتحت ابواب المعارك والسيوف علينه شارت

وهـــذا صيـــوان النـــبوه البي فلول الكفر دارت

زحفت علينه الكتـــايب بــالطمع والجهل سارت

واحـــنه العـــلينه نــــفــــتدي وبمـــــنهج الحــــگ نقتدي

نـــــدحر الــطاغي المـعتدي اشـــما عــلينه الدنيه جارت

دنـــيه مـن غير الكرامه ما نريد

وللظـــلم هيـــهات نصبحله عبيد

العــــــمر بــــــالذل ما نريـده وللمـــــجد نــضمن رصيده

وما نعوفك لو الف موته نموت

* * *

يـا حسـين امنحنه فرصه نريد ندخل للمعارك

بالحـــرب گـــوم آل اميه اشما تعدّد بالمسالك

هالنصر مضـــمون النه وهيّه توگع بالمهالك

امنــــحنه رخــــصه للحـرب خــــل نـــگلب الحومه گلب

ومــــن تظل وحدك بالغـرب يـــــبتدي الــــموقف الحالك

نبـــيع دمـنه يبو اليمه ونشتريك

ريت عدنــه الف روح ونفتديك

ونـــــدرك الغـــــايه البــعيـده وللمجــــد نـــضمن رصيده

وما نعوفك لو الف موته نموت

* * *

دخـــــلوا انصار الإمامه لساحة الطف بهممهم

وشالوا الكوفه وزلمها وخيلها بصارم شيمهم

حامـــوا حـــدود الـمخيّم بالوفه وغيرة عزمهم

لسيـــوف أذنــــت للـــحـرب وكبّــــروا بــــايمان الگــلب

وسجــدوا على وجه الترب والوضــــوء بـــفيض دمهم

جســـومهم سجـــدت بساحات الكفاح

وروسهم ركعت على روس الرماح

وصـــــوتهـــم ردّد نــــشيده وللمجـــد نــــضمن رصيده

وما نعوفك لو الف موته نموت

* * *

اشـــلون صـفوة فخر ضحوا للنبوه وللإمامه

جروحهم صارت شفايف تبتسم لاهل الكرامه

بعـــد ام الدهر مـــا تــــنجب مثـــلهم بالشهامه

هالصفوه للمحشر يـظل موقفهم

ورب الجــلاله بـهالفخر شرّفهم

والقلم عــــــاللوح بكرم وصّفهم

يشـــــهد التــــاريخ بــــيهم وبـــمواقفهم الحرّه

****